सशस्त्र प्रहरीले इनरुवा–७ चाँदबेलाबाट स्कार्पियोसहित १५३ किलो गाँजा बरामद
कोशी आवाज २०८२ मङ्सिर ११ गते बिहीबार ।
मोरङ । सशस्त्र प्रहरीले इनरुवा–७ चाँदबेलाबाट स्कार्पियो गाडीमा लुकाइ–छिपाइ गरिएको १५३ किलो गाँजा बरामद गरेको छ।
सशस्त्र प्रहरी नम्बर ४ गण, हेडक्वार्टर सुनसरीका अनुसार ४–५ वटा मोटरसाइकलमा रहेका व्यक्तिहरूले स्कार्पियोलाई स्कर्टिङ गरिरहेको गोप्य सूचनाका आधारमा प्रहरीले निगरानी बढाएको थियो।
चेकजाँचका क्रममा बीओपी साहेबगञ्जको टोलीले शंका लागेपछि रोक्न खोज्दा एकजना मोटरसाइकल छाडेर फरार भएका थिए। त्यसपछि स्कार्पियो रोकेर खोजतलासी गर्दा गाडीभित्र लुकाइएकाे ठूलो परिमाणमा गाँजा फेला परेको प्रहरीले जनाएको छ।
घटनामा संलग्न चाँदबेलाका आदित्य चौधरीसहित बा १५ च २१७३ नम्बरको स्कार्पियो र को २७ प ८३३१ नम्बरको पल्सर मोटरसाइकल नियन्त्रणमा लिइएको सशस्त्र प्रहरीले जनाएको छ।
