नेपाल प्रहरीले सर्वोच्च अदालत तोडफोड र आगजनी प्रकरणमा संलग्न दुई जनालाई पक्राउ गरेको छ।
कोशी आवाज २०८२ मङ्सिर ८ गते सोमबार।
बिराटनगर । जिल्ला प्रहरी परिसर काठमाडौंको टोलीले सर्वोच्च अदालतमा तोडफोड, आगजनी तथा सुरक्षाकर्मीको हतियार लुटपाट गरेको आरोपमा झापाको भद्रपुरका २८ वर्षीय ज्योति थापा घताने र ललितपुर महालक्ष्मीस्थानका ३० वर्षीय सुशील श्रेष्ठलाई पक्राउ गरी आज सार्वजनिक गरेको हो।
परिसरका प्रवक्ता प्रहरी उपरीक्षक (एसपी) पवनकुमार भट्टराईका अनुसार भदौ २४ गते जेनी आन्दोलनका क्रममा सर्वोच्च अदालत भवनमा तोडफोड, आगजनी, लुटपाट गर्ने तथा सुरक्षाकर्मीको हतियार लुटपाट गर्ने जस्ता आपराधिक गतिविधिमा संलग्न भएको अभियोगमा उनीहरूलाई पक्राउ गरिएको हो।
पक्राउ परेकालाई जिल्ला अदालत काठमाडौंबाट ‘आपराधिक उपद्रव गर्न नहुने’ कसुरमा सात दिनको म्याद थप गरी अनुसन्धान भइरहेको प्रवक्ता भट्टराईले जानकारी दिए।
