मधेश प्रदेश सरकारले विवाह पञ्चमीको अवसरमा आज सार्वजनिक बिदा दिएको छ।
कोशी आवाज २०८२ मङ्सिर ९ गते मंगलबार ।
मोरङ । प्रदेश सरकारको गृह, सञ्चार तथा कानुन मन्त्रालयले सोमबार सूचना जारी गर्दै राजपत्रमा प्रकाशित व्यवस्था अनुसार आज सार्वजनिक बिदा लागू हुने उल्लेख गरेको छ।
विवाह पञ्चमीका मुख्य कार्यक्रम जनकपुरधाममा हुने भएकाले नागरिक तथा कार्यालयहरूलाई आवश्यक जानकारी दिन सूचनाको प्रकाशन गरिएको मन्त्रालयका शाखा अधिकृत राधेशंकर प्रसाद पालले जारी गरेको पत्रमा उल्लेख छ।
यस्तै, प्रदेश राजपत्र (चैत २२, २०८१) मा समावेश बिदा व्यवस्थाअनुसार मंगलबार सार्वजनिक बिदा लागू हुने जानकारी पनि दिइएको छ।
प्रत्येक वर्ष मार्गशीर्ष शुक्ल पञ्चमीका दिन मनाइने विवाह पञ्चमी पर्व आज मधेश प्रदेशसहित देशभर राम–सीताको पूजा आराधना गरी मनाइँदैछ। गोस्वामी तुलसीदासद्वारा वर्णित रामायणअनुसार जनकनन्दिनी सीताको विवाह भएको दिनको स्मरणमा मिथिलावासीले यस पर्वलाई विशेष महोत्सवका रूपमा मनाउने परम्परा रहेको छ।
