हृदयेश्वर हरि कीर्तन परिवारको वार्षिकोत्सवमा जेष्ठ नागरिक सम्मान ।
कोशी आवाज २०८२ मङ्सिर १० गते बुधबार ।
मोरङ । रङ्गेली नगरपालिका–९ दोहमनास्थित हृदयेश्वर हरि कीर्तन परिवारले मंगलबार बृहत कार्यक्रमसहित आफ्नो वार्षिकोत्सव सम्पन्न गरेको छ। कार्यक्रममा संस्थाको वार्षिक आम्दानी–खर्च सार्वजनिक गरिनुका साथै कीर्तन परिवारभित्रका जेष्ठ नागरिकलाई सम्मान गरिएको थियो।
कार्यक्रममा गोलाप्रथाबाट विभिन्न सांस्कृतिक तथा भक्तिमय प्रस्तुति राखिएको थियो। सोही अवसरमा संस्थाकी अध्यक्ष सुनिता सिटौलाले ९३ वर्षीया कौशिला थापालाई माला र दोसल्ला ओढाई सम्मान गरिन्। विवाहपञ्चमी विशेष कार्यक्रमसमेत समावेश गरिएका प्रस्तुतीहरूले समारोहको वातावरण झनै रमाइलो बनेको सहभागीहरूले बताए।
कार्यक्रममा स्थानीय समाजसेवी, बुद्धिजीवी तथा विभिन्न संघ–संस्थाका प्रतिनिधिसहित अग्रज सदस्य लीलानाथ भण्डारी, चिरञ्जीवी काफ्ले, शुसिला काफ्ले, सिर्जना भट्टराई, देवी न्यौपाने, आशा सुवेदीलगायत धेरै आमा–दिदीबहिनीहरूको उपस्थिति रहेको थियो।
