राष्ट्रिय प्रजातन्त्र पार्टीले भोलि काठमाडौँका विभिन्न स्थानबाट र्याली निकालेर बल्खुमा विरोध प्रदर्शन गर्ने कार्यक्रम तय गरेकाले राजधानीका विभिन्न सडक खण्डमा सवारी आवागमन प्रभावित हुनसक्ने भएको छ ।
ट्राफिक प्रहरीले यसका लागि विभिन्न स्थानमा सवारी डाइभर्सनको व्यवस्था मिलाइने जनाएको छ ।
ट्राफिक प्रहरीका अनुसार निम्न स्थानहरुमा डाइभर्सन गरिनेछ:
मुख्य डाइभर्सन हुने स्थानहरू:
- खसिबजार – मकालु – कलंकी चोक – बाफल
- बल्खु चोक – कुलेश्वर – कालीमाटी चोक – टेकु
- किर्तिपुर – सुन्दरीघाट – सानेपा – एकान्तकुना
आवश्यकताअनुसार थप डाइभर्सन गरिन सक्ने सम्भावित स्थानहरू:
- त्रिपुरेश्वर
- बालाजु
- हलचोक
- नैकाप
- सितापाईला
- चोभार
- फर्पिङ
- नख्खु दोबाटो
- कोटेश्वर
पार्किङका लागि तोकिएका स्थानहरू:
- टियू गेटदेखि चोभार सडक खण्ड
- सानेपा करिडोर सडक (दुबै तर्फ)
- चोभार सुख्खा बन्दरगाह
- नयाँ बसपार्क
- सितापाईला–बाफल सडकको एक लेन
यसका साथै, नेपाल शिक्षक महासंघले माइतिघर मण्डलामा भेला भइ बानेश्वर र माइतिघर सडक खण्डको बीचमा कार्यक्रम गर्ने र सहकारी तथा लघुवित्त पिडितले शान्तिबाटिकामा धर्ना दिने जानकारी प्राप्त भएकाले ती क्षेत्रहरूमा समेत सवारी व्यवस्थापन परिवर्तन हुन सक्ने ट्राफिक महाशाखाले जनाएको छ ।
सवारी चालकहरूलाई उक्त प्रभावित स्थानहरूमा जाममा नपर्नका लागि बैकल्पिक मार्ग प्रयोग गर्न ट्राफिक प्रहरीको अनुरोध छ ।
