२९ कार्तिक / उर्लाबारी
उर्लाबारी,मोरंग – फाल्गुनन्द जयन्तीको अवसरमा उर्लाबारी नगरपालिका–३ मा पहिलो पटक आयोजित “बिराट मेडिकल कलेज टिचिङ हस्पिटल (B.M.C.T.H.) प्रथम मंगलबारे क्रस कन्ट्री रन–२०८२” भव्य रूपमा सम्पन्न भएको छ। विभिन्न उमेर समूह तथा विधाहरुमा कुल ४२१ धावक–धाविकाको सहभागिता रहेको यो प्रतियोगिता सफलतापूर्वक सम्पन्न भएको हो।
खुला पुरुषतर्फ: संखुवासभाका तेन्जीन सेर्पालाई उपाधि
खुला पुरुषतर्फ संखुवासभाका तेन्जीन सेर्पाले पहिलो स्थान प्राप्त गरे। ताप्लेजुङका रमेश तावाहाङ दोस्रो र पुकार लिम्बु तेस्रो भए। विजेताले क्रमशः १०,००० / ७,५०० / ५,००० रुपैयाँ नगद, मेडल र प्रमाणपत्र प्राप्त गरे।
खुला महिलातर्फ: पाँचथरकी पुष्पा शेर्मा लिम्बु प्रथम
खुला महिलातर्फ पुष्पा शेर्मा लिम्बु (पाँचथर) विजयी भइन्। द्रिपा बस्नेत (खोटाङ) दोस्रो र जुलिन राई तेस्रो भए। क्रमशः १०,००० / ७,५०० / ५,०००, मेडल, प्रमाणपत्र र गिफ्ट ह्याम्पर प्रदान गरिएको थियो।
भेट्रान पुरुष: धरानका विजय राईको विजय
पुरुष भेट्रानतर्फ धरानका विजय राई पहिलो भए। मंगल तामाङ (धरान) दोस्रो र राजकुमार विष्ट (मिरिक) तेस्रो भए। विजेताले ५,००० / ३,००० / २,०००, मेडल र प्रमाणपत्र हात पारे।
भेट्रान महिला: मिरिककी शान्ती राई गुरुङ पहिलो
महिला भेट्रानमा शान्ती राई गुरुङ (मिरिक, भारत) विजयी भइन्। जमुना लिम्बू (धरान) दोस्रो र अनुजा तामाङ (मिरिक) तेस्रो। पुरुष भेट्रान सरह गिफ्ट ह्याम्परसहित पुरस्कृत गरियो।
सुपर भेट्रान: मिरिकका कृष्ण तामाङलाई उपाधि
सुपर भेट्रानमा कृष्ण तामाङ (मिरिक) पहिलो, प्रिमिस भुटिया (दार्जिलिङ) दोस्रो र निलबहादुर गहतराज तेस्रो भए। उनीहरूले ५,००० / ३,००० / २,००० सहित मेडल र प्रमाणपत्र पाए।
यू–१५ पुरुष: सुनसरीका भरत कवीराज पहिलो
यू–१५ पुरुषतर्फ भरत कवीराज (सुनसरी) प्रथम। विवेक राई दोस्रो र सफल राई तेस्रो भए। विजेताले क्रमशः ५,००० / ३,००० / २,०००, मेडल र प्रमाणपत्र पाए।
यू–15 महिला: भोजपुरकी जुही राई विजयी
यू–१५ महिलातर्फ जुही राई (भोजपुर) पहिलो भइन्। पुजा महतरा (उर्लाबारी) दोस्रो र रुष्मा दर्जी तेस्रो भइन्। गिफ्ट ह्याम्परसहित पुरुषतर्फ सरह पुरस्कृत गरियो।
रन रुट तथा दूरी
रन मंगलबारे चोकबाट सुरु भई केरखाली–सिरुझार स्कुल–सुनझोडा–शान्ति आधारभूत–सालबारी रंगशाला–महेन्द्र राजमार्ग–मंगलबारे चोक हुँदै सम्पन्न भएको थियो।
खुला विधातर्फ दूरी: ११ किमी
भेट्रान तथा यू–१५: ५ किमी
सुविधा तथा सेवा
प्रतियोगितामा सहभागी सबै धावकका लागि टी–सर्ट, खाजा, जुस–पानी व्यवस्था थियो। टाढाबाट आएका खेलाडीका लागि आवास तथा खाद्यान्न सुविधा गरिएको थियो।
२४ जना महिला विजेतालाई B.M.C.T.H. तर्फबाट विशेष गिफ्ट ह्याम्पर प्रदान गरियो।
साथै सबै विजेतालाई १ वर्षका लागि B.M.C.T.H. को नि:शुल्क O.P.D सेवा,
बेड चार्जमा १००% छुट,
ल्याब टेस्टमा ५०%,
एक्स–रे, USG, CT Scan, MRI मा २५%,
औषधिमा १०% छुट प्रदान गरिने घोषणा गरिएको आयोजक अध्यक्ष प्रभु राईले बताए।
बृहत उद्देश्य र सहयोग
यो रन आयोजित गर्नुको मुख्य उद्देश्य युवालाई स्वास्थ्य र खेलकुदतर्फ आकर्षित गर्दै समाजमा सकारात्मक सन्देश फैलाउने रहेको आयोजकले जनाएको छ।
कार्यक्रममा
होटेल पार्टनर: पार्टन प्रार्थना रिट्रिट, स्पोर्ट लज & बार
इन्टरनेट पार्टनर: Vianet उर्लाबारी
हस्पिटल पार्टनर: अरनिको हस्पिटल प्रा.लि.
मिडिया पार्टनर: सञ्चार क्लब नेपाल, उर्लाबारी रहेको थियो ।
रक्तदान कार्यक्रम पनि सम्पन्नसोही अवसरमा आयोजित रक्तदान अभियानमा बिराट मेडिकल कलेज टिचिङ हस्पिटलका प्राविधिक तथा चिकित्सकको टोलीले आवश्यक प्राविधिक सहयोग र सेवा प्रदान गरेको थियो।
कार्यक्रम संयोजक पंकज काश्यपका अनुसार आज विहान सम्पन्न दौड तथा रक्तदान गतिविधिले समुदायमा स्वास्थ्य सचेतना वृद्धि गर्नुका साथै सामाजिक सेवाको प्रवर्द्धनमा महत्वपूर्ण योगदान दिएको छ।
समापन समारोह
कार्यक्रम संयोजक हेमन्त लावतीको अध्यक्षतामा सम्पन्न पुरस्कार वितरण समारोहमा
वडाध्यक्ष भिष्मराज बुढाथकी,
युवा व्यवसायी सचिन शाक्य,
भेट्रान क्लब मंगलबारेका अध्यक्ष रावन सुवेदी,
उर्लाबारी जेसीज उपाध्यक्ष मिलन पोख्रेललगायतको आतिथ्यता थियो।
कार्यक्रमको सहजीकरण पत्रकार घनश्याम भण्डारीले गरेका थिए।
