कोशी आवाज २०८२ कार्तिक २९ गते शनिबार ।
मोरङ,रंगेली । रंगेली बिबिया बिर्ता युवा क्लबको आयोजना तथा पहलमा हुन लागिरहेको खेलाडी छनोट तथा खेल तालिम कार्यक्रमअन्तर्गत आवेदक खेलाडीहरूसँगको परिचयात्मक अन्तर्क्रिया आज भव्य रूपमा सम्पन्न भएको छ। क्लबका अध्यक्ष श्री बमलाल खवास ज्युको अध्यक्षतामा बसेको कार्यक्रममा प्रमुख अतिथिको रूपमा रंगेली–२ का वडा अध्यक्ष श्री सन्तलाल खवास उपस्थित थिए।
कार्यक्रममा रंगेली–१ का वडा सदस्य श्री इश्वर चन्द्र माझी, श्री प्रदीप राजवंशी, पूर्व वडा सदस्य श्री मोहवत धामी थारु, फुटबल कोच श्री सहरलाल खवास, फुटबल रेफ्री श्री उमेश दनुवार, पूर्व फुटबल खेलाडी दिनेेश पौडेल, समाजसेवी श्री रामनारायण माझी, श्री आशिष चौधरी, श्री अरुण कार्की, क्लबका सह–सचिव श्री जयप्रकाश खवास, कोषाध्यक्ष श्री जेनिस पौडेल तथा सदस्यहरू श्री रत्ना राजवंशी र श्री पार्वती राजवंशीलगायतको उपस्थिति उल्लेख्य थियो।
रंगेली–१, २, ७, ८, ९, धनपालथान–५ र ग्रामथान–४ का खेलाडी भाइ–बहिनीहरूको सक्रिय सहभागिताले कार्यक्रमलाई अझै उत्साहपूर्ण बनाएको आयोजकले जनाएको छ।
कार्यक्रमको सफल सञ्चालन क्लबका सचिव श्री भोजेन्द्र बस्नेत ज्युले गर्नुभएको थियो।
