कांग्रेसमा महाधिवेशनबारे विवाद : देउवा पक्ष पुरानै कार्यतालिकामा, कोइरालाको छुट्टै भेला ।
कोशी आवाज २०८३ वैशाख १५ गते मङ्गलबार ।
विराटनगर । Nepali Congressभित्र महाधिवेशनको कार्यतालिकालाई लिएर मतभेद चुलिँदै गएको छ। निवर्तमान सभापति Sher Bahadur Deuba पक्षले विशेष महाधिवेशनअघि नै वैशाखमा तय गरिएको महाधिवेशन अघि बढाउने तयारी गरेको छ।
मंगलबारदेखि काठमाडौंमा सुरु भएको १४औं महाधिवेशनबाट निर्वाचित केन्द्रीय सदस्य, जिल्ला सभापति तथा उपत्यकामा उपलब्ध क्षेत्रीय सभापतिहरूको विस्तारित बैठकमार्फत वैशाखमै महाधिवेशन गर्ने कार्ययोजना बनाइने जनाइएको छ।
कांग्रेस नेता मीन विश्वकर्माले विशेष महाधिवेशनभन्दा पहिले तय भइसकेको महाधिवेशनको समय आइसकेकाले त्यसलाई नै ‘एकताको महाधिवेशन’ का रूपमा अघि बढाउने विषयमा छलफल हुने बताए।
तर पार्टी सभापति Gagan Kumar Thapa नेतृत्वको कार्यसमितिले भने यसअघि नै १५औं महाधिवेशन आगामी असोजमा गर्ने निर्णय गरिसकेको छ।
निर्वाचन आयोग र अदालतबाट थापा नेतृत्वले वैधानिकता पाएपछि विशेष महाधिवेशनमा सहभागी नभएका नेताहरूलाई समेत समेट्दै पार्टीलाई एकताबद्ध बनाउने तयारी भइरहेको विश्वकर्माको भनाइ छ। उनले देउवा पक्ष संवादका लागि तयार रहे पनि थापा पक्षबाट पहल नभएको आरोप लगाए।
बैठकबाट पछिल्लो निर्वाचनको समीक्षा गर्दै पराजयका कारण खोज्ने तथा आगामी रणनीति तय गर्ने एजेन्डा पनि राखिएको छ। विस्तारित बैठक तीन दिनसम्म चल्न सक्ने जनाइएको छ।
यता देउवा समूहमा समावेश नभएको Shekhar Koirala समूहले छुट्टै भेला आयोजना गर्ने भएको छ। कोइरालाले वैशाख १७ गते बागमती प्रदेशस्तरीय आफ्ना निकट नेताहरूको भेला बोलाएका छन्। नेता जीवन परियारका अनुसार लामो समयदेखि आन्तरिक छलफल हुन नसकेकाले भेला आयोजना गर्न लागिएको हो।
