नेपाली कांग्रेस महामन्त्री विश्व प्रकाश शर्मा ले भन्छन् : दोस्रो विशेष महाधिवेशनमार्फत काँग्रेसलाई नयाँ आत्मविश्वास र राष्ट्रिय दृष्टि दिनुपर्नेमा जोड ।
कोशी आवाज २०८२ पुस २४ गते बिहिबार ।
विराटनगर । नेपाली कांग्रेसका महामन्त्री विश्वप्रकाश शर्माले आह्वान गरेको नेपाली काँग्रेसको पहिलो विशेष महाधिवेशनले त्यस समय पार्टीलाई सही मार्गमा सही ढंगले अघि बढ्न दूरदृष्टि र दृढ इच्छाशक्ति प्रदान गरेको इतिहास स्मरण गरिएको छ। अहिले आयोजना हुँदै गरेको दोस्रो विशेष महाधिवेशन भने भिन्न राष्ट्रिय परिस्थिति र फरक आन्तरिक अवस्थाबीच सम्पन्न हुन गइरहेको छ, जसलाई पार्टीका लागि संवेदनशील र ऐतिहासिक अवसरका रूपमा हेरिएको छ।
नेताहरूका अनुसार यो विशेष घडीमा पार्टीभित्रको आन्तरिक एकतालाई थप सुदृढ गर्दै नयाँ आत्मविश्वास भरिनु अत्यन्त आवश्यक छ। विगतका अनुभवबाट पाठ सिक्दै संगठनलाई मजबुत बनाउने र कार्यकर्तामा भरोसा जगाउने काम यस महाधिवेशनको प्रमुख उद्देश्य रहेको बताइएको छ।
साथै, आजको नेपाल र भोलिको नेपालको आवश्यकता बुझ्दै स्पष्ट दृष्टि, व्यवहारिक योजना र दृढ संकल्प अघि सारेर मुलुकको विश्वास जित्ने नयाँ राजनीतिक ढंग अवलम्बन गर्नुपर्नेमा जोड दिइएको छ। बदलिँदो राष्ट्रिय तथा अन्तर्राष्ट्रिय सन्दर्भमा नेपाली काँग्रेसले आफूलाई जिम्मेवार र भरोसायोग्य राजनीतिक शक्तिका रूपमा पुनःस्थापित गर्ने अपेक्षा गरिएको छ।
नेपाली काँग्रेसले सम्पूर्ण पार्टीपंक्ति, शुभेच्छुक तथा आम नागरिकलाई विशेष महाधिवेशनमा सहभागी हुन आग्रह गर्दै आह्वान गरेको छ—
“आउनुस्, २७ गते भृकुटीमण्डपमा भेटौं।”
दोस्रो विशेष महाधिवेशनले पार्टीको आगामी दिशा मात्र होइन, देशको लोकतान्त्रिक राजनीतिक यात्रामा समेत महत्त्वपूर्ण सन्देश दिने विश्वास गरिएको छ।
